ریا چکربورتی کے بھائی شووک چکربورتی کو ملی ضمانت

اسپیشل این ڈی پی ایس کورٹ نے اداکارہ ریا چکربورتی کے بھائی شووک چکربورتی کو سشانت سنگھ راجپوت کی موت اور منشیات کے متعلق کیس میں ضمانت دے دی ہے۔

شووک چکربورتی کو نارکوٹکس کنٹرول بیورو (این سی بی) نے چار ستمبر کو سشانت سنگھ راجپوت کیس میں گرفتار کیا تھا جسے بدھ کے روز ممبئی کی خصوصی عدالت نے ضمانت پر رہا کردیا ہے۔

چوبیس سالہ شووک چکربورتی نے اس سے قبل نومبر میں بھی ضمانت عرضی داخل کی تھی جسے خصوصی عدالت نے خارج کردیا تھا۔