بالی ووڈ کے 'بادشاہ' شاہ رخ خان نے حال ہی میں اپنی آئندہ فلم 'پٹھان' کے اسپین شیڈول کو مکمل کیا ہے۔ اسپین میں 15 دن تک شوٹنگ کرنے کے بعد 'پٹھان' کی ٹیم اب ملک واپس لوٹ آئی ہے۔ اس دوران شاہ رخ نے اسپین میں اپنے مداحوں سے ملاقات بھی کی۔ اسپین کے 15 دنوں کے شیڈول کے دوران شاہ رخ اور دیپیکا پڈوکون نے مداحوں کے ساتھ خوب ساری تصویریں کھینچوائی ہیں، جو اب سوشل میڈیا پر تیزی سے وائرل ہو رہی ہے۔ ان تصاویر میں شاہ رخ خان کا لُک زبردست لگ رہا ہے۔ SRK Poses with Fans in Spain
سوشل میڈیا پر وائرل ہورہی ان تصاویر کو شاہ رخ خان کے فین کلب نے شیئر کیا ہے۔ ان تصاویر میں شاہ رخ اسپین میں اپنے بھارتی مداحوں کے ساتھ خوشی سے پوز دیتے ہوئے نظر آ رہے ہیں۔ دوسری جانب دیپیکا پڈوکون کے مداح بھی ان کے ساتھ تصویر کھینچاتے ہوئے نظر آئے۔سوشل میڈیا پلیٹ فارم انسٹاگرام اور ٹوئٹر پر یہ تصاویر خوب شیئر ہو رہی ہیں۔ SRK's Pathaan Look
واضح رہے کہ کہ شاہ رخ خان چار سال بعد کسی فلم میں نظر آنے والے ہیں۔ شاہ رخ آخری بار فلم زیرو (2018) میں نظر آئے تھے۔ اس کے بعد وہ کسی فلم میں نظر نہیں آئے۔شاہ رخ خان کی فلم 'زیرو' باکس آفس پر فلاپ ثابت ہوئی۔ اس کے بعد شاہ رخ نے تجربہ کار کردار نہ کرنے کا فیصلہ کیا ہے۔ اب شاہ رخ خان فلم 'پٹھان' کے ذریعے اپنے اسٹارڈم کو برقرار رکھنے کی کوشش کر رہے ہیں۔
شاہ رخ کے مداحوں کو بھی اداکار کی فلم سے کافی امیدیں وابستہ ہیں۔ آپ کو بتا دیں، فلم 25 جنوری 2023 کو ریلیز ہونے جا رہی ہے۔ اس کے ساتھ ہی خبر ہے کہ شاہ رخ خان جلد ہی SRK+ نامی او ٹی ٹی ایپ سے ڈیجیٹل دنیا میں قدم رکھنے والے ہیں۔
مزید پڑھیں: Pathaan Spain Schedule: جانیے، شاہ رخ اور دیپیکا اسپین میں ' پٹھان' کی شوٹنگ کب ختم کریں گے
