فرحان اختر کی فلم 'طوفان' 16 جولائی کو او ٹی ٹی پلیٹ فارم پر 'ایمیزون پرائم ویڈیو' پر ریلیزکی گئی ہے۔ اس فلم میں فرحان اختر، مرنال ٹھاکر اور پریش راول اہم کرداروں میں ہیں۔ فلم کی ہدایتکار راکیش اوم پرکاش مہرہ ہیں۔
حالانکہ ریلیز سے قبل کچھ سوشل میڈیا صارفین نے فرحان اختر کی مذکورہ فلم کو بائیکاٹ کرنے کا مطالبہ کیا تھا۔ ٹوئٹر پر #BoycottToofaan بھی ٹرینڈ ہوا اور فلم پر لو جہاد پھیلانے کا الزام عائد کیا گیا۔ تاہم فلم اداکاروں کی بہترین اداکاری اور عمدہ مواد کی وجہ سے عوام بے حد پسند کررہے ہیں۔
اسی درمیان بالی ووڈ کے بادشاہ شاہ رخ خان کو فلم 'طوفان' بے حد پسند آئی ہے۔ شاہ رخ نے فلم طوفان اور فرحان اختر کی تعریف کرتے ہوئے ٹویٹ کیا ہے۔
- مزید پڑھیں: فلم میں سونوسود کی پٹائی، لڑکے نے ٹی وی توڑ دیا
- Amir Khan: عامر خان نے کرگل میں کمیونٹی ہال تعمیر کرنے کا اعلان کیا
شاہ رخ خان نے اپنے آفیشل ٹویٹر ہینڈل سے فرحان کی فلم 'طوفان' کا ریویو کرتے ہوئے لکھا ہے "میرے دوست فرحان اختر اور راکیش اوم پرکاش مہرہ کو ان کی نئی فلم 'طوفان' کے لیے بہت بہت مبارکباد۔ کچھ دن قبل مجھے یہ فلم دیکھنے کا موقع ملا۔ اس فلم انتہائی عمدہ مواد پیش کیا گیا ہے۔ فلم کے بارے میں میرا تجزیہ یہی ہے کہ ہم سبھی کو 'طوفان' جیسی فلم بنانے کی کوشش کرنی چاہیے اورایسی فلمیں زیادہ سے زیادہ بننی چاہیئں‘‘۔
یو این آئی
