سشانت سنگھ راجپوت کیس میں ڈرگز اینگل کے شامل ہوتے ہی کئی بالی وڈ ہستیوں کے نام اس میں سامنے آنے لگے ہیں۔ سیف علی خان اور امرتا سنگھ کی بیٹی سارا علی خان کا نام بھی اس میں آیا ہے۔ اداکارہ سارا علی خان کو این سی بی نے سمن بھیجا ہے۔ انہیں پوچھ گچھ کے لیے 26 ستمبر کو بلایا گیا ہے۔ سارا علی خان گوا سے ممبئی پہنچ چکی ہیں۔ ممبئی ایئرپورٹ پر سخت سکیورٹی ہے۔
خبریں ہیں کہ سارا علی خان کے خلاف کئی ایسے ثبوت ملے ہیں، جس کی وجہ سے این سی بی سارا سے پوچھ گچھ کرنا چاہتی ہے۔ ریا چکرورتی نے بھی سارا علی خان کا ذکر کیا ہے۔ ریا نے بتایا کہ سارا اور سشانت ساتھ میں اسموک کیا کرتے تھے۔ پاونا فارم ہاؤس پر دونوں ساتھ میں ڈرگز بھی لیتے تھے اور پارٹی بھی کرتے تھے۔ کیدارناتھ کے سیٹ پر بھی دونوں سشانت اور سارا نے 'ویڈ' کا استعمال کیا۔
یہ بھی پڑھیں: این سی بی دیپکا سے کل پوچھ تاچھ کرے گی
سشانت کیس سے منسلک لوگوں کا ریا چکرورتی، جیا شاہ، ڈرگز پیڈلر وغیرہ نے بالی وڈ کے کئی بڑے ستاروں کے ناموں کا خلاصہ کیا ہے۔ این سی بی کے رڈار پر اس وقت 50 بالی ووڈ اسٹار ہیں۔
