ہدایتکار سنجے لیلا بھنسالی نے حال ہی میں اپنی اگلی فلم گنگوبائی کاٹھیاواڑی کا اعلان کیا ہے، اس فلم میں عالیہ بھٹ مرکزی کردار میں نظر آئیں گی۔
بھنسالی جلد ہی اگلی فلم کا بھی اعلان کریں گے، پچھلے ماہ دیپیکا اور رنویر سنگھ کو بھنسالی کے دفتر میں دیکھا گیاتھا اور ایسی خبریں ہیں کہ ایک مرتبہ پھر سے یہ جوڑی بھنسالی کی فلم میں پھر سے دیکھی جا سکتی ہے۔
کچھ روز قبل بھنسالی کی فلم انشاء اللہ سرخوں میں تھی لیکن سلمان خان کے فلم چھوڑ دینے کے بعد یہ بند ہوگئی، اس کے بعد بھنسالی نے عالیہ بھٹ کے ساتھ نئی فلم گنگوبائی کاٹھیا واڑی بنانے کا اعلان کیاتھا، یہ فلم حسین زیدی کے ناول دی مافیا کوئینس آف ممبئی پر مبنی ہے۔
اس کے علاوہ کچھ روز قبل کارتک آرین بھی سنجے لیلا بھنسالی کے دفتر کے باہر دیکھے گئے تھے اور قیاس لگایا جا رہا ہے کہ کارتک بھی اس فلم کا حصہ ہوسکتے ہیں۔
