اداکار سنجے دت نے اپنے مرحوم والد کی سالگرہ کے موقع پر ایک پرانی تصویر سوشل میڈیا پر شیئر کی، تصویر میں ننھے سنجے اپنے والد کے قریب کھڑے ہیں جبکہ سنیل دت کے چہرہ پر مسکراہٹ دیکھی جاسکتی ہے۔ سنجے دت نے تصویر کے نیچے سرخ دل کے اموجی کے ساتھ لکھا ہے کہ ’آپ ہمیشہ سے میری طاقت اور خوشی کا سرچشمہ رہے ہیں، والد، آپ کو سالگرہ مبارک ہو‘۔
- " class="align-text-top noRightClick twitterSection" data="View this post on Instagram
You have always been my source of strength and happiness. Happy Birthday Dad!❤️
">
سنجے دت کی بیٹی تریشالا دت نے سوشل میڈیا پر ’سالگرہ مبارک ہو دادا جی‘ کا مسیج شیئر کیا۔
سنیل دت کی بیٹی پریہ دت نے بھی نامور اداکار کی سالگرہ کے موقع پر انہیں یاد کیا۔ انہوں نے لکھا کہ ’وہ تنہا نہیں کھڑی ہے، اس کے پیچھے زندگی کی مضبوط اخلاقی قوت، اس کے والد کی محبت ہے، ایسی طاقت کے لیے والد کا شکریہ‘۔
سنیل دت کا 25 مئی 2005 کو ممبئی میں انتقال ہوگیا تھا۔ انہوں نے ہمراز، ریشما اور شیرا، گمراہ، میرا سایہ، مدرانڈیا، وقت، پڑوسن اور سادھنا جیسی فلموں میں اپنا جوہر دکھایا تھا۔
سنیل دت ایک کامیاب سیاست داں بھی تھے۔ انہوں نے 1984 میں کانگریس پارٹی میں شمولیت اختیار کی اور اپنے انتقال تک وہ پانچ مدتوں کےلیے رکن پارلیمان منتخب ہوتے رہے۔
