یہ ہر فن کار اور اداکار کی خواہش ہوتی ہے کہ لوگ ہمیشہ اسے اس کی فنکاری اور ہنر کی وجہ سے یاد رکھیں۔ اسی کے پیش نظر جب کوئی فن کار عوام کے ذہنوں پر اپنے کام کا نقش بٹھاتا ہے تو ہر طرف اس کی چرچا ہوتی ہے۔ ایسے ہی فنکاروں میں سے ایک نام شردھا کپور کا بھی ہے جنہوں نے کم وقت میں اپنے کام سے نام کمایا۔
اداکاری کی دنیا میں آج وہ بالی ووڈ کی جگمگاتی ہستیوں میں سے ایک ہیں لیکن اس کے علاوہ انہیں موسیقی اور ڈانس پر مہارت حاصل ہے۔ Shraddha Kapoor Birthday Special
انہوں نے بطور اداکارہ اپنی کیرئیر کی شروعات 2010 میں فلم تین پتی سے کی۔ اس کے علاوہ انہوں نے سال 2011 میں لو کا دی اینڈ فلم میں بھی کام کیا لیکن یہ فلمیں اتنی کامیاب نہیں ہوئی۔کہتے ہیں بالی ووڈ میں وہی کامیاب ہوتا ہے جو اپنے صبر اور محنت کرنے کی جنون کو ہمیشہ زندہ رکھے۔ شردھا نے شاید اس فارمولہ کو اپنایا اور پھر سال 2013 کا وقت ان کی زندگی کا اہم ترین سال ثابت ہوا۔ Shraddha Kapoor films
سال 2013 میں ریلیز ہوئی فلم عاشقی 2 شردھا کپور کی زندگی کی اہم ترین اور سب سے زیادہ پسند کی جانے والی فلموں میں سے ایک ہے۔ خاص طور پر اس فلم میں شردھا کپور اور آدیتہ رائے کپور کے اوپر فلمائے ہوئے نغموں نے فلمی شائقین کو سینماگھروں تک لانے پر مجبور کردیا تھا۔
اس فلم کے بعد انہیں سال 2014 میں وشال بھردواج کی فلم حیدر میں اداکاری کرتے ہوئے دیکھا گیا، جس کی کہانی ولیم شیکشپیئر کی ہیملٹ پر مبنی تھی۔ اس فلم میں انہوں نے عرشیہ لون کا کردار ادا کیا تھا۔ اسی سال ریلیز ہوئی فلم ایک ویلین میں شردھا کو اپنی موسیقی صلاحیت دکھانے کا موقع ملا اور ان کی آواز کو کافی پسند بھی کیا گیا۔ یہ فلم بھی شردھا کی ٹکٹ کھڑکی پر کامیاب ہوئی۔
سال 2015 میں جہاں فلم اے بی سی ڈی 2 میں شردھا کپور نے زبردست ڈانس کرکے لوگوں کو دیوانہ بنادیا وہیں سال 2016 میں آئی فلم باغی میں ناظرین نے شردھا کو ایکشن کرتے ہوئے دیکھا ۔
شردھا نے اپنی زیادہ تر فلموں میں رومانوی کردار ہی ادا کیے لیکن 2018 میں آئی فلم استری میں لوگوں کو شردھا کا نیا انداز دیکھنےکو ملا۔ یہ ایک ہارر کامیڈی فلم تھی۔ اس فلم میں شردھا کی اداکاری کی خوب تعریف ہوئی۔
سال 2019 میں آئی ان کی فلم چھچھورا بھی لوگوں کو کافی پسند آئی۔ اس فلم میں شردھا کپور، سشانت سنگھ راجپوت کے ساتھ نظر آئی تھیں۔
مزید پڑھیں: Shanaya Kapoor's Debut Film Announced: فلم 'بے دھڑک' سے شنایا کپور بالی ووڈ میں قدم رکھنے کو تیار
