بالی ووڈ کے دوسرے ستاروں کی طرح اداکار رندیپ ہوڈا نے بھی منگل کو ایک پرانی تصویر شیئر کرتے ہوئے کہا ہے کہ وہ اداکار کے طور پر گزارنے والی زندگی کو یاد کررہے ہیں۔
اداکار نے ٹوئیٹر میں ایک تصویر شیئر کرتےہوئے کہا کہ اس کی کمی محسوس ہورہی ہے۔خود کو ایک جیسا دیکھ کر بوریت محسوس ہورہی ہے۔
یہ تصویر اداکار کی ایک سیلفی ہے۔جہاں وہ وینٹی وین کے سامنے پوسنگ کرتے ہوئے نظر آرہےہیں۔
کورونا وائرس کی وبا اور خوف کے مدنظر بالی ووڈ کی کئی فلموں کی شوٹنگ کو روک دیا گیا ہے۔
بالی ووڈ کے بہت سارے اداکار بیماری کے پھیلاؤ سے نمٹنے کے لیے لاک ڈاؤن کی پیروی کررہے یں اور گھر میں ہی رہ رہے ہیں۔تاہم سوشل میڈیا میں کچھ ستارے ہمیشہ اپنی شوٹنگ زندگی کو یاد کرتے ہوئے پوسٹ ڈالتے رہتے ہیں۔
حال ہی میں اداکار شاہد کپور نے ایک تصویر پوسٹ کی تھی اور لکھا تھا کہ ان کی آنے والی فلم جرسی کی شوٹنگ سیٹ کو وہ یاد کررہے ہیں۔اس تصویر میں وہ اپنے فلم کے کردار میں نظر آرہے ہیں۔
