ان کے انتقال کی اطلاع مرحوم اداکار جانی واکر کے بیٹے ناصر نے دی جبکہ ان کے انتقال کی تصدیق جگدیپ کے بیٹے نوید جعفری نے بھی ایک ٹویٹ کے ذریعہ کی ہے۔
اداکارہ کم کم نے 100 فلموں میں اداکاری کے جوہر دکھائے اور کبھی آرکبھی پار اور میرے محبوب قیامت ہوگی اور بمبئی میری جان جیسے نغموں کے لیے شہرت حاصل ہوئی جو کہ ان پر فلمائے گئے تھے۔
ان کی بھابھی نے بتایا کہ ان کا اصلی نام زیب النساء تھا اور آج دوپہر انہوں نے ضعیف العمری کی وجہ سے داعی اجل کو لبیک کہا۔ان کی تدفین جنوبی ممبئی کے رحمت آ باد قبرستان میں عمل میں آئی۔
ان کا تعلق بہار کے شکارپورہ ضلع کے حسینہ آباد سے تھا۔ان کی یاد گار فلموں میں مسٹر ایکس بامبے،مدرانڈیا،کوہ نور،اجالا اور نیا دور تھیں،لیکن انہیں شہرت مدھو بن می رادھیکا ناچے کوہ نور فلم سے حاصل ہوئی جوکہ دلیپ کمار پر فلمایا گیا تھا۔1956 میں سی آئی ڈی فلم کے نغمے یہ بامبے میری جان سے بھی کافی مقبول ہوئی تھیں۔
انہوں نے پہلی بھوجپوری فلم۔ گنگا میاتوہے پیاری چادہیبو میں 1963 میں کام کیا تھا۔انہوں تقریباً 100 فلموں میں اداکاری کے جوہر دکھائے۔
