کریتی سینن کا شمار بالی ووڈ کی خوبصورت اداکارؤں میں ہوتا ہے۔ کریتی نے 2014 میں فلم ہیروپنتی سے اپنی فلمی کیرئیر کا آغاز کیا تھا اور آج کریتی کامیابی کی بلندیوں کو چھو رہی ہیں۔ اسی درمیان کریتی کے مداحوں کے لیے ایک خوشخبری ہے۔ وہ جلد ہی اپنی پسندیدہ اداکارہ کو مشہور بالی ووڈ اداکار مینا کماری کے کردار میں دیکھ سکتے ہیں۔ الی ووڈ میں لیجنڈ اداکارہ مینا کماری کی زندگی پر فلم بنائی جانے والی ہے۔ Kriti Senon to Play Meena Kumari
بالی ووڈ اداکارہ کریتی سینن سلور اسکرین پر مینا کماری کا کردار ادا کرتی نظر آ سکتی ہیں۔ بالی ووڈ میں لیجنڈ اداکارہ مینا کماری کی زندگی پر فلم بنائی جانے والی ہے۔ یہ فلم ٹی سیریز کے بینر تلے تیار کی جائے گی۔ کہا جارہا ہے کہ اس فلم میں کریتی سینن اداکارہ مینا کماری کا کردار نبھاتی نظر آ سکتی ہیں، جلد ہی فلم کا باضابطہ اعلان کیا جا سکتا ہے۔اگر سب کچھ ٹھیک رہا تو فلم کی شوٹنگ بھی جلد ہی شروع ہو جائے گی۔ او ٹی ٹی پلیٹ فارم نے بھی مینا کماری پر ایک ویب سیریز بنانے کا اعلان کیا ہے۔ T Series Make Meena Kumari Biopic
اطلاع کے مطابق ٹی سیریز میناکماری پر ایک فلم بنانا چاہتی ہے اور انہوں نے مینا کماری کے رول کے لیے کریتی سینن سے بات چیت بھی کی ہے۔ حالانکہ کریتی نے اس حوالے سے ابھی تک کسی سے کوئی بات چیت نہیں کی ہے، لیکن اداکارہ خوش ہیں کہ انہیں اس رول کی پیش کش کی گئی ہے۔ حال ہی میں کریتی سینن کی ممی اور بچن پانڈے جیسی فلمیں ریلیز ہوئی ہیں۔ کریتی پربھاس اسٹاررفلم ’آدی پرش، ٹائیگر شراف اسٹارر فلم گنپت، ورون دھون کے ساتھ بھیڑیا اور کارتک آریان کی فلم شہزادہ میں نظر آئیں گی۔
یو این آئی
