'نہ میں ڈروں گی اور نہ ہی جھکوں گی'

بالی ووڈ اداکارہ کنگنا رناوت کی دوسری کورونا رپورٹ منفی آئی ہے۔شیوسینا سے تنازعات کے باوجود کنگنا آج ممبئی پہنچیں گی۔

کنگنا ہماچل کے منڈی سے چنڈی گڑھ ایئرپورٹ کے لیے روانہ ہوگئی ہیں، بتادیں کہ کنگنا اور شیوسینا رہنما سنجے راوت کے درمیان جاری تنازع کافی سرخیوں میں ہے۔ایسے میں کنگنا آج ممبئی جائیں گی۔

رناوت کا ٹوئٹ

کنگنا نے ٹوئٹ کیا کہ ' وہ جھکنے والی نہیں ہیں'۔

اداکارہ کنگنا رناوت آج ممبئی آرہی ہیں۔ گھر روانہ ہونےسے قبل ٹوئٹ کرکے انہوں نے مہاراشٹر جانے کی اطلاع دی۔

کنگنا نے لکھا کہ میں نے فلم کے ذریعہ رانی لکشمی بائی کی ہمت ، بہادری اور قربانی کو فلم ذریعے پیش کیا ہے۔ افسوس کی بات یہ ہے کہ مجھے مہاراشٹر آنے سے روکا جارہا ہے۔

انہوں نے مزید لکھاکہ میں رانی لکشمی بائی کے نقش قدم پر چلوں گی، نہ ڈروں گی، نہ جھکوں گی، غلط کے خلاف آواز اٹھاتی رہوں گی۔ جئے مہاراشٹر، جئے شیواجی۔