بالی ووڈ اداکارہ ایلیانا ڈی کروز کا کہنا ہے کہ ان کی آنے والی فلم ’ان فیئر اینڈ لولی‘ مزاحیہ سے بھرپور دلچسپ کہانی ہے جو نہایت حساس موضوع کو چھوتی ہے۔ ایلیانا ڈی کروز جلد ہی فلم ’ان فیئر اینڈ لولی‘ میں نظر آئیں گی۔
اس فلم میں ان کے ساتھ اداکار رندیپ ہوڈا مرکزی کردار میں ہیں۔ ایلیانا نے بتایا کہ اس فلم کی کہانی کافی دلچسپ ہے۔ انہوں نے کہا کہ فلم کی کہانی خوبصورتی سے لکھی گئی ہے اور یہ ایک دلچسپ مزاحیہ کہانی ہے جو ایک انتہائی حساس موضوع کو چھوتی ہے۔ یہ آپ کو سب سے زیادہ انسانی نظریہ فراہم کرتی ہے۔ لوگ اس سے وابستہ ہوسکیں گے اور اس سے ان کے ذہنوں میں یہ بھی واضح ہوجائے گا کہ اس ملک میں رنگ کی بات آئے تو محدود نہیں ہونا چاہئے۔
ایلیانا ڈی کروز نے کہا ’’رنگ خوبصورتی کی وضاحت نہیں کرتا ہے۔ یہ کچھ ایسا ہے کہ رات میں آسمان خوبصورت نہیں ہے لیکن یہ ویسا ہی ہے جیسا کہ ستاروں کو دیکھنے کے لئے ملتا ہے۔''
بتایا جارہا ہے کہ فلم ’ان فیئر اینڈ لولی‘ میں یہ دکھایا جائے گا کہ ایک سانولی لڑکی کو کن کن پریشانیوں کا سامنا کرنا پڑتا ہے۔ معاشرہ اس کے ساتھ کیسا سلوک کرتا ہے؟ فلم میں ایلیانا ہریانہ کی ایک لڑکی کا کردار ادا کرتی نظر آئیں گی۔
یو این آئی
