ہر برس تہواروں کے موسم میں فلم کو ریلیز کرنے کے لئے بڑے اداکاروں اور پروڈیوسرز کے مابین مقابلہ ہوتا تھا۔ لیکن اس بار دیوالی پہلے کی طرح نہیں ہوگی۔ کورونا وائرس کی وجہ سے ایسی کوئی صنعت نہیں ہوگی جس کو دھچکا نہ لگا ہو۔ بالی ووڈ بھی اس سے بچ نہیں پایا۔
بالی ووڈ میں چھٹیوں کے سیزن میں بڑی فلموں کے ریلیز کے لئے مقابلہ ہوتا تھا۔ جہاں اکشے کمار اور جان ابراہم یوم آزادی کے کے موقع پر فلمیں ریلیز کرنا پسند کرتے ہیں۔ وہیں سلمان خان کی فلم عید کے لئے مشہور ہے، جبکہ عامر خان بڑی ریلیز کے لئے کرسمس سیزن کو ترجیح دیتے ہیں۔
تاہم یہ سال فلم انڈسٹری کے لئے اچھا نہیں جا رہا ہے۔ اس وبا نے تفریحی صنعت کو تباہ کر دیا ہے۔
واضح رہے کہ حال ہی میں مرکزی حکومت نے سینما گھروں اور ملٹی پلیکس کو 50 فیصد کی گنجائش کے ساتھ کھولنے کی ہدایت دی تھی لیکن اس کے باوجود بھی بڑے بینرز نے اپنی فلموں کی فہرست جاری کرنے کا اعلان نہیں کیا ہے۔
