ہر سال مئی کے دوسرے اتوار کو دنیا بھر میں مدرس ڈ ے یا یوم مادر منایا جاتا ہے۔ اس مرتبہ مدرس ڈے 12مئی کو منایا جارہا ہے۔
پردہ سیمیں پر ماں کا رول ادا کرنے والی اداکاروں میں سب سے پہلا نام جو ذہن میں آتا ہے وہ ہے نروپا رائے کا۔ نروپا رائے نے کئی فلموں میں ماں کے زبردست کردار کو پردہ سیمیں پر شاندار طریقے سے پیش کیا ہے۔
سال 1955 میں ’منیم جی‘ اور سال 1961میں فلم ’چھایا‘ میں ماں کے پر اثر کردار کو پردہ سیمیں پر زندہ کرنے کے لئے نروپا رائے کو بہترین معاون اداکارہ کا فلم فیئر ایوارڈ سے نوازا گیا تھا۔
1975 میں آئی فلم ’دیوار میں نروپا رائے نے اچھائی اور برائی کی نمائندگی کرنے والے ششی کپور اور امیتابھ بچن کی ماں کا رول ادا کیا تھا۔ اس فلم میں نروپا رائے نے ماں کے کردار کو اتنے جاندار طریقے سے ادا یا کہ لوگ نروپا رائے کو امیتابھ بچن کی فلمی ماں کے نام سے جاننے لگے۔
