بالی وڈ کے معروف اداکار سشانت سنگھ راجپوت نے اپنے گھر میں پھانسی لگا کر خودکشی کر لی ہے، سشانت کی عمر 34 برس تھی۔
سشانت سنگھ راجپوت نے کئی ٹی وی سیریئلز اور فلموں میں کام کیا ہے۔
ریاست بہار کے ضلع پورنیہ سے تعلق رکھنے والے بالی وڈ اداکار سشانت سنگھ نے ممبئی میں واقع باندرہ علاقہ میں اپنے گھر میں خودکشی کی۔ فی الحال خودکشی کی وجہ نہیں معلوم ہوسکی ہے۔
سشانت سنگھ نے اپنے کریئر کی شروعات ٹی وی اداکار کے طور پر کی تھی اور سب سے پہلے 'کس دیش میں ہے میرا دل' نام کے سیریئل میں کام کیا تھا لیکن انہیں ایکتا کپور کے معروگ سیریئل 'پوِتر رشتہ' پہچان ملی۔ اس کے بعد ان کا فلمی کریئر شروع ہوا اور ان کی اداکاری کو کافی پذیرائی ملی۔
سشانت سنگھ نے 'کائی پو چے' فلم سے اپنے بالی وڈ کریئر کی شروعات کی تھی جس میں ان کی اداکاری کو کافی پذیرائی ملی تھی اس کے بعد انہوں نے عامر خان کی اداکاری سے سجی سپر ہٹ فلم 'پی کے' میں بھی کام کیا تھا۔
اس کے علاوہ سشانت نے بھارتی کرکٹ ٹیم کے کامیاب ترین کپتان مہندر سنگھ دھونی کی بایوپک 'ایم ایس دھونی:دی ان ٹولڈ اسٹوری' میں ان کی اداکاری کو کافی سراہا گیا تھا۔
