قومی دارالحکومت دہلی کے ہندو راؤ ہسپتال میں بالی ووڈ اداکار دلیپ طاہل اور شمالی دہلی میونسپل کارپوریشن کے میئر جئے پرکاش سمیت اسٹینڈنگ کمیٹی کے چیئر مین چھیل بہاری نے آج کورونا ویکسین لگوائی۔
بالی ووڈ اداکار دلیپ طاہل نے اس موقع پر عوام سے اپیل کی کہ 'ہمیں اس بیماری سے احتیاط برتنے کی ضرورت ہے، ابھی یہ بیماری ختم نہیں ہوئی ہے۔ اس لئے ماسک ضرور پہنیں اور سماجی دوری کا خیال رکھیں۔'
ساتھ ہی انہوں نے کہا کہ ویکسین کو لے کر غلط فہمی نہ رکھیں، میں نے خود آج یہ ویکسین لی ہے اور مجھے کچھ محسوس تک نہیں ہوا۔
بالی ووڈ اداکار کے ساتھ نارتھ دہلی میونسپل کارپوریشن کے میئر جئے پرکاش اور اسٹینڈنگ کمیٹی کے چیئرمین نے بھی لوگوں سے اپیل کی کہ ایک بار پھر کووڈ کیسز میں اضافہ ہو رہا ہے، اس لئے زیادہ سے زیادہ لوگ ویکسین لگوائے اور محفوظ رہیں۔
یہ بھی پڑھیں: مغربی بنگال اسمبلی انتخابات: 'عوام تبدیلی چاہتی ہے، ہم بدلیں گے تصویر'
واضح رہے کہ دہلی سمیت متعدد ریاستوں میں ایک بار پھر کورونا انفیکشن کے بڑھتے ہوئے کیسز کو دیکھتے ہوئے لاک ڈاؤن لگایا جا رہا ہے۔
