بی جے پی کارکنان نے فلم" چھپاک " کے پوسٹرز جلائے

مدھیہ پردیش کے صنعتی شہر اندور میں بھارتیہ جنتا پارٹی نے دیپیکا پادوکون کی فلم چھپاک کے خلاف مظاہرہ کرتے ہوئے فلم کے پوسٹرز میں آگ لگا دی۔

بھارتیہ جنتا پارٹی نے آج مظاہرہ کرتے ہوئے کہا کہ ہم ایسی اداکاروں کی پرزور مذمت کرتے ہیں جو ملک کو تقسیم کرنے والوں کی حمایت کرتے ہیں۔

بھارتیہ جنتا پارٹی کے شیڈیول کاسٹ یونٹ کے صدر راجیش شروڈکر نے کہا کہ فلم اداکارہ دیپیکا پادوکون کی فلم چھپاک کا ہم بائیکاٹ کرتے ہیں اور حکومت سے مطالبہ کرتے ہیں کہ اس پر پابندی لگائی جائے۔

واضح رہے کہ مدھیہ پردیش حکومت نے دیپیکا پادوکون کی فلم چھپاک کو ٹیکس فری کر دیا ہے۔

بی جے پی کارکنان نے کہا ہے کہ اس فلم کو وہی لوگ دیکھیں گے جو ملک سے محبت نہیں کرتے ہیں۔