بالی ووڈ کی لیجنڈ اداکارہ پدمنی کولہاپوری کے بیٹے پریانک شرما نے جمعرات کے روز پروڈیوسر کریم مورانی کی بیٹی شازا کے ساتھ شادی کرلی۔
پدمنی کولہاپوری کے بیٹے کی شادی
اس جوڑے نے صبح عدالت میں شادی کی اور بعد میں ممبئی میں مورانی ہاوس میں شاندار پارٹی منعقد کی جس میں ان کے دوستوں اور کنبہ کے اراکین نے شرکت کی۔ اس تقریب میں اداکارہ شردھا کپور کے علاوہ انل کپور، بونی کپور، سنی دیول ، بھاگیہ شری، جوہی چاولہ جیسے بالی ووڈ کے دیگر اسٹارز بھی شریک تھے۔
پریانک سفید کُرتے میں خوبصورت نظر آرہے تھے جس کے اوپر زرد رنگ کی جیکٹ تھی اور سفید پاجامہ جبکہ شازا سنہری ساڑی میں خوبصورت نظر آرہی تھیں۔
قابل ذکر ہے کہ اداکارہ شردھا کپور ان دنوں اپنی شادی کی خبروں کو لے کر سرخیوں میں ہیں۔ کچھ دنوں پہلے ہی خبریں آئی تھیں کہ شردھا جلد ہی شادی کرنے جارہی ہیں۔
