ممبئی: ٹیلی کام آپریٹر وی آئی (Vodafone Idea) نے جمعہ کو گیمنگ پلیٹ فارم CareGames کے ساتھ شراکت کا اعلان کیا تاکہ وہ بھارت میں اپنے صارفین کو 5G کلاؤڈ گیمنگ مہیا کرا سکے۔ کمپنی نے کہا کہ 5G کی کم لیٹنسی ٹیکنالوجی کے ساتھ، کلاؤڈ گیمنگ انڈسٹری کے اور بھی مقبول ہونے کی امید ہے۔ Vi to introduce 5G mobile cloud gaming service in India
ووڈافون آئیڈیا نے چیف مارکیٹنگ آفیسر اونیش کھوسلہ نے کہا کہ آن لائن گیمنگ انڈسٹری بھارت میں سب سے تیزی سے ترقی کرنے والے تفریحی شعبوں میں سے ایک ہے اور 5G کی آمد کے ساتھ ہی اس میں کئی گنا اضافہ ہونے کی امید ہے۔ موبائل گیمنگ ہمارے صارفین کے ساتھ جڑنے کا ایک اہم ایجنڈا ہے۔
مزید پڑھیں:
بوسٹن کنسلٹنگ گروپ (BCG) کی ایک رپورٹ کے مطابق، بھارت میں اس وقت 300 ملین موبائل گیمرز ہیں۔ توقع ہے کہ بھارتی موبائل گیمنگ انڈسٹری 2025 تک تین گنا بڑھ کر 5 بلین کی مارکیٹ تک پہنچ جائے گی۔
کیر گیم کے شریک بانی اور صدر بینجامن ایتھول نے کہا "ہماری منفرد موبائل کلاؤڈ گیمنگ ٹیکنالوجی رکاوٹوں کو ختم کرتی ہے۔ تاکہ تمام موبائل گیمرز ان موبائل گیمز سے لطف اندوز ہو سکیں۔
(آئی اے این ایس)
