حیدرآباد: ون پلس کے نئے اسمارٹ فون OnePlus 11R کی آج پہلی سیل شروع ہورہی ہے۔ کمپنی نے اس فون کو اس مہینے کی شروعات میں 7 فروری کو لانچ کیا تھا۔ فون برانڈ کی فلیگ شپ ڈیوائس OnePlus 11 5G کے ساتھ لانچ ہوا ہے۔ اس فون میں دمدار پروسیسر، بہترین ڈیزائن اور شاندار فیچرز دستیاب ہے۔
یہ فون دیکھنے میں بلکل OnePlus 11 5G جیسا ہی ہے، لیکن فیچرز کے معاملے میں کم ہے۔ اس فون میں Snapdragon 8 Gen 1+ پروسیسر اور 5000mAh کی بیٹری دی گئی ہے۔ تو آئیے جانتے ہیں اسمارٹ فون پر ملنے والے آفرز کی تفصیلات
OnePlus 11R قیمت
برانڈ نے ہینڈ سیٹ کو دو کنفیگریشنز میں لانچ کیا ہے۔ اس کے 8 جی بی ریم اور 128 جی بی اسٹوریج ویرینٹ کی قیمت 39,999 روپے ہے۔ اسمارٹ فون کے 16 جی بی ریم اور 256 جی بی اسٹوریج ویرینٹ کی قیمت 44,999 روپے ہے۔
آپ اسے دو رنگوں میں خرید سکتے ہیں - Galactic Silver اور Sonic Black۔ ہینڈ سیٹ جلد امیزن پر فروخت کے لیے دستیاب ہوگا۔ OnePlus 11R پر دستیاب آفرز کے بارے میں بات کریں تو صارفین کو 1000 روپے کی فوری رعایت مل رہی ہے۔ اس کے بعد، آپ کو فون کا بیس ویرینٹ 38,999 روپے میں ملے گا، جبکہ اس کا ٹاپ ویرینٹ 43,999 روپے میں دستیاب ہے۔ آپ اسے EMI پر بھی خرید سکتے ہیں۔ فون نو کاسٹ EMI پیشکش کے ساتھ آتا ہے۔
فون کی تفصیلات
OnePlus 11R میں 6.7 انچ کا AMOLED ڈسپلے لگا ہوا ہے، جو ایک پنچ ہول کٹ آؤٹ کے ساتھ آتا ہے۔ اسکرین 120Hz ریفریش ریٹ اور 1450 Nits کی پک برائٹنیس کے ساتھ آتی ہے۔ اس میں Qualcomm Snapdragon 8+ Gen 1 پروسیسر ہے، جو 16GB تک RAM کے آپشن کے ساتھ آتا ہے۔ اس میں الرٹ سلائیڈر بھی دستیاب ہے۔
مزید پڑھیں:
آپٹکس کی بات کریں تو فون میں 50MP مین لینس، 8MP الٹرا وائیڈ اینگل لینس اور 2MP میکرو کیمرہ ہے۔ ساتھ ہی کمپنی نے فرنٹ میں 16MP سیلفی کیمرہ دیا ہے۔ یہ کیمرہ سیٹ اپ OnePlus 10R جیسا ہی ہے۔ کمپنی نے صرف بنیادی سینسر کو تبدیل کیا ہے۔ فون 5000mAh بیٹری اور 100W فاسٹ چارجنگ سپورٹ کے ساتھ آتا ہے۔
