امریکی ارب پتی ایلون مسک نے کہا کہ انہوں نے ایکس/ٹوئٹر کے لیے ایک نئی چیف ایگزیکٹو آفیسر (سی ای او) مقرر کی ہے اور وہ چھ ہفتوں میں کام کرنا شروع کر دیں گی۔ ایلون مسک نے کہا یہ اعلان کرتے ہوئے پرجوش ہوں کہ میں نے ایکس/ٹوئٹر کے لیے ایک نئی سی ای او کی خدمات حاصل کی ہیں۔ وہ چھ ہفتوں میں کام شروع کر دے گی۔ ایلون مسک نے یہ بھی کہا کہ وہ پروڈکٹ، سافٹ ویئر اور سسٹم کے آپریشنز کی نگرانی کے لیے ایکس/ٹوئٹر پر ایک ایگزیکٹو چیئرمین اور سی ای اومیں اپنا رول بدل رہے ہیں۔
مزید پڑھیں:Huge Discount On Google Pixel 7A گوگل پکسل 7 اے پر فلپ کارٹ کی بھاری چھوٹ
مزید پڑھیں:Tata Tiago EV: ٹاٹا کی ٹیاگو الیکٹرک کار لوگوں کی پہلی پسند
وال اسٹریٹ جرنل نے جمعرات کو اس معاملے سے واقف لوگوں کا حوالہ دیتے ہوئے بتایا کہ این بی سی یو یونیورسل میں ایڈورٹائزنگ کی سربراہ لنڈا یاکارینو ٹویٹر کی نئی سی ای او بننے کے لیے بات چیت کر رہی تھیں۔ این بی سی یو کے ایک ترجمان نے میڈیا کو بتایا کہ یاکارینو این بی سی یو کو آگے بڑھانے کے لیے کافی کام کر رہی تھیں۔ کمپنی کا مشتہرین کے لیے سالانہ پروگرام پیر کو نیویارک میں منعقد ہونے والا ہے۔میڈیا نے یہ بھی کہا کہ ٹویٹر نے اس معاملے پر کوئی تبصرہ نہیں کیا۔ واضح رہے کہ حال ہی میں ٹوئیٹر نے کئی تبدیلیاں لائی ہے۔
