جیسے جیسے زمانہ ماڈرن ہوتا جا رہا ہے، معاشرہ بے حِس ہوتا جا رہا ہے۔ اس کی تازہ مثال اس وقت دیکھنے کو ملی جب نوئیڈا میں اسکوٹی سوار لڑکی سڑک حادثے کا شکار ہوئی لیکن کسی نے بھی اس کی مدد نہیں کی حتیٰ کہ وہ جاں بحق ہو گئی۔
تفصیلات کے مطابق ایک شخص اور اس کی نوجوان لڑکی سڑک حادثے کا شکار ہوئی لیکن کسی نے بھی ان کی مدد نہیں کی یہاں تک کہ لڑکی کی موت ہوگئی۔
سڑک حادثے کا شکار ہونے کے بعد لڑکی کی لاش سڑک پر پڑی رہی جبکہ اسے والد زخمی حالت میں کراہتے رہے لیکن وہاں موجود عوام تماشائی بنی رہی۔ نہ کسی نے ان کی مدد کی اور نہ ہی کسی نے پولیس کو اس بات کی اطلاع دی۔
کافی وقت کے بعد اس حادثہ کی اطلاع ملنے پر بسرکھ تھانہ کی پولیس نے زخمی کو ہسپتال میں داخل کرایا۔
تفصیلات کے مطابق رمیش نامی شخص اپنی 20 سالہ بیٹی مونی کے ساتھ اسکوٹی کے ذریعہ گریٹر نوئیڈا کے بسرکھ تھانہ کے گور سٹی جا رہے تھے کہ کیپسول کٹ پر نامعلوم سواری نے ان کی اسکوٹی کو ٹکر مار دی۔ اس حادثے میں مونی کی موقع پر ہی موت ہوگئی جب کی رمیش شدید زخمی ہوئے۔
پولیس نے بتایا کہ دونوں متاثرین ہاتھرس کے رہنے والے تھے۔ ضروری کارروائی کے بعد پولیس نے تفتیش شروع کر دی ہے۔
