اداکارہ نے16 مئی کو ممبئی کانگریس کے سابق صدر ملند دیورا کو خط لکھا تھا ۔انہوں نے خط میں مقامی سطح پر پارٹی میں اختلافات کا ذکر کیا ہے۔
ارمیلا نے اپنے بیان میں کہا کہ یہ بہت بدنصیبی کی بات ہےکہ ایک رازدارانہ خط جس کا تعلق پارٹی کے اندرونی معاملے سے ہے، اسےعام کردیا گیا۔ ہر سیاسی پارٹی میں مسئلے ہوتے ہیں ۔
انہوں نے مزید کہا کہ میں نےکانگریس میں ذاتی دلچسپی کے لیے شامل نہیں ہوئی ہوں، بلکہ میں اپنے ملک کی خدمت کرنا چاہتی ہوں۔
ارمیلا کا کہنا ہے کہ میں نے ممبئی صدر کو بھی خط میں لکھاتھا کہ میرا ارادہ پارٹی میں بہتری لانی ہے۔ میں واضح کرنا چاہتی ہوں کہ یہ خط انتخابات کے نتائج اور ایکزٹ پول کے آنے سے پہلے لکھی گئی تھی۔
انہوں نے مزید کہا کہ یہ صرف میری سالمیت ، سنجیدگی اور پارٹی کے مفاد کے لیے میرے عزم کو ظاہر کرتا ہے۔
