جیکلین فرنانڈیز لاک ڈاؤن کے بعد سے ہی سلمان خان کے فارم ہاؤس میں ہیں۔ جیکلین وہاں سے اپنے دو گانے بھی ریلیز کر چکی ہیں۔ انہوں نے بتایا کہ 'میں ابھی فارم ہاوس میں ہوں اور میں خوش قسمت ہوں کہ لاک ڈاؤن کے اعلان سے پہلے ہی میں یہاں آگئی تھی۔ یہ دو ماہ اچھے رہے، یہاں کا ماحول بہت اچھا ہے، تروتازہ ہوا ہے۔'
جیکلین نے کہا کہ 'میں ہر صبح اور شام گھوڑسواری کرتی ہوں، حقیقت میں مجھے یہ بہت پسند ہے۔ میں ورزش کر رہی ہوں اور یوگا اور میڈیٹیشن میں وقت گزار رہی ہوں۔ میں پڑھنے کی بھی کوشش کر رہی ہوں۔ جتنا ممکن ہے اتنے کورسز کرنے کی کوشش کر رہی ہوں، فی الحال میں ہندی کورس کے ساتھ ساتھ ایڈیٹنگ کا کورس بھی کر رہی ہوں جس سے اپنے بلاگ بنانے اور پورے عمل کو سمجھنے میں مدد مل رہی ہے کیونکہ ہم ایسی صورتحال میں ہیں جہاں میرے ساتھ میری ٹیم نہیں ہے اس لئے مجھے اپنے طور پر کام کرنے کی ضرورت ہے اور میں اپنا کام مکمل کر رہی ہوں۔'
