پولیس ذرائع نے بتایا کہ مقامی لوگوں کی اطلاع کی بنیاد پر مدھوبن گاؤں میں تالاب کے کنارے ایک نوجون لڑکے اور لڑکی کی درخت سے جھولتی ہوئی لاشیں برآمد ہوئی ہیں۔
لڑکے کی شناخت بیجا گاؤں کے روشن کمار کے طور پر ہوئی ہے وہیں لڑکی کا تعلق مدھوبن گاؤں سے بتایا جارہا ہے۔
ذرائع نے بتایا کہ روشن کمار کا مدھوبن گاؤں کی 20 سالہ شادی شدہ لڑکی کے ساتھ گزشتہ 6 ماہ سے معاشقہ چل رہا تھا۔ لڑکی کا شوہر کسی معاملے میں جیل میں بند ہے۔
خدشہ ظاہر کیا جارہا ہے کہ دونوں نے گھر والوں کی مخالفت کے بعد یہ انتہائی قدم اٹھایا ہوگا۔
لاشیں پوسٹ مارٹم کے لئے بھیج دی گئی ہیں۔ پوسٹ مارٹم کی رپورٹ آنے کے بعد ہی دونوں کی اموات کی صحیح وجہ کا پتہ چل سکے گا۔
