ریاست راجستھان کے شہر اجمیر کے کرشچین گنج تھانہ افسر دنیش کماوت نے بتایا کہ گرفتار ملزم کی شناخت جے پور ضلع میں کوڈکھاودا علاقہ میں ومل پورا کے رہنے والے سونو مینا(21) کے طور پر کی گئی ہے۔
ملزم نے گزشتہ تین فروری کو اجمیر میں آر کے پورم فائی ساگر روڈ پر نیرج گپتا کی ماروتی کی کار چوری کرلی تھی۔ ملزم نے پولیس کی پوچھ گچھ میں اجمیر آکر ایچ کے ایچ اسکول سے ایک پلسر موٹر سائکل اور آلٹو چوری کرنے کی بات بھی قبول کرلی ہے۔
پولیس نے مزید بتایا کہ چوری کا ملزم سونو شراب پینے کا عادی تھا اور اپنے دوست دیپک پاریکھ اور بھرت کے ساتھ مل کر چوری کرتا تھا۔
پولیس ملزم کے دیگر ساتھیوں کی تلاش اور واقعات کے سلسلہ میں پو چھ گچھ کر رہی ہے۔
