اترپردیش کے ضلع مرزا پور کے دیہات کوتوالی علاقے میں ایک پک اپ کے پلٹ جانے سے اس میں سوار ایک بچہ سمیت دو لوگوں کی موت ہوگئی۔
اس حادثہ میں تین افراد شدید طور سے زخمی ہوگئے۔ پولیس نے بتایا کہ سونبھدر ضلع میں کرما علاقے کے سرنگا گاؤں باشندہ انوار حسین اپنے کنبے کے ساتھ پک اپ سے پڈری تھانہ علاقے کے گوپال پور گاؤں اپنے رشتے داروں سے ملنے جا رہے تھے کہ کر کچھا پہاڑی کے نزدیک پک اپ بے قابو ہوکر پلٹ گئی۔
اس حادثے میں زخمی افراد کو علاج کے لئے ضلع اسپتال میں داخل کرایا گیا جہاں ڈاکٹروں نے راشد(50) اور ساحل (10) کو مردہ قرار دے دیا۔
تین دیگر زخمی اسپتال میں زیر علاج ہیں۔ پولیس نے کہا ڈرائیور علاؤالدین سمیت دیگر پانچ افراد کو معمولی چوٹیں آئی ہیں۔ جنہیں علاج کے بعد گھر بھیج دیا گیا۔
