پولس ٹیم نے اس قتل کے ملزم آشیش کمار سنگھ عرف مانو، رنجن کمار سنگھ کو گرفتار کیا گیا ہے۔
پولس تفتیش کے دوران ان ملزمین نے اس قتل میں مزید تین لوگوں کے ملوث ہونے کا انکشاف کیا ہے۔ جس میں سے ایک چھوٹو نامی بدمعاش کو بڑی ہاٹ تھانہ سے گرفتار کر لیا گیا ہے جب کہ باقی دو بدمعاشوں کی گرفتاری کےلئے پولس کوشش کر رہی ہے۔
اس معاملے کی جانکاری بھاگلپور کے ایس ایس پی آشیش بھارتی نے میڈیا کو دی۔
ایس ایس پی آشیش بھارتی کے مطابق اس قتل میں استعمال سوجوکی جکسر پہلے ہی برآمد کرچکی ہے۔
قتل کے ملزمین آشیش کمار عرف مانو اور رنجن کمار سنگھ کو گرفتاری کے بعد عدالت کے سامنے پیش کیا گیا۔
یہ پوچھے جانے پر کہ کاروباری راجیو کمار پر گولی کس نے چلائی تھی اس پر ایس ایس پی آشیش بھارتی نے تفصیل بتانے سے انکار کیا۔
انہوں نے کہا کہ اس بارے میں ابھی جانچ چل رہی ہے۔
آپ کو بتا دیں کہ مرجان ہٹان تاجر راجیو کمار ساہ کا قتل 24 دسمبر 2019 کو گولی مار کر دیا گیا تھا۔ جس کی تفتیش کے لئے پولس نے ایک ٹیم تشکیل دی تھی اور تشکیل کردہ ٹیم نے اس قتل کے گتھی سلجھانے کیلئے روایتی اور ماڈرن تکنیک کا استعمال کیا۔
جس کی بدولت پولس کو بڑی کامیابی ہاتھ لگی ہے۔
اس بارے میں کی گئی پریس کانفرنس میں سینئر ایس پی آشیش بھارتی کے ساتھ ساتھ ڈی ایس پی راجونش سنگھ اور دیگر پولس کے اعلی افسران موجود
