ڈوڈہ کا یہ پُل مقامی افراد کی آمد رفت کا ایک اہم سہارا ہے، تاہم اب اس سے آمد رفت مشکل ہوتی جا رہی ہے۔
اس کے علاوہ پریم نگر کے مقام پر دریائے چناب کے اوپر ساٹھ کی دہائی میں بنایا گیا لکڑی کا پُل گزشتہ دو برسوں سے پُل پر لگی لکڑی سڑنے کی وجہ سے سُرخیوں میں رہا ہے ۔
مقامی لوگوں نے اس پُل پر سفر کرنے کو غیر محفوظ قرار دیا تھا ۔
عوام کی جانب سے اس کی از سر نو تعمیر کے لیے بار بار مطالبہ کئے جا رہے ہیں۔
انتظامیہ نے متعلقہ محکمہ کو عوامی سہولیت اور عام لوگوں کو محفوظ پُل فراہم کرنے کے لئے فنڈس واگزار کرنے کی اعلیٰ حکام سے اپیل کی ۔
دو برسوں کی طویل جدو جہد کے بعد جب پُل کی مرمت کا کام شروع ہوا ہے تو لوگوں نے مرمت کے کام میں غیر معیاری مواد استعمال کرنے کا الزام عائد کیا ہے ۔
مقامی لوگوں نے بتایا کہ پُل میں لگی بیشتر لکڑیاں بوسیدہ ہو کر تباہ ہوچکی ہیں اور مرمت کے کام کے دوران کوئی بھی عملہ وہاں موجود نہ ہوتا ہے۔
لوگوں نے بتایا کہ ٹھکیدار اپنی مرضی سے کام انجام دے رہا ہے۔
مزید پڑھیں:نئے سال کے موقع پر ویشنو دیوی کی زیارت
عوامی شکایت پر کوئی عمل نہیں کیا جا رہا ہے ۔
مذکورہ پُل پر ہر روز سینکڑوں کی تعداد میں لوگ ایک جگہ سے دوسری جگہ جاتے ہیں۔
