غازی آباد: بیٹے کے ہاتھوں ماں کا قتل

ریاست اترپردیش کے ضلع غازی آباد کے مودی نگر میں ایک بیٹے نے زمین کے تنازعہ کو لے کر اپنی ماں کو مبینہ طور پر قتل کر ڈالا۔

غازی آباد کے مودی نگر میں ایک بیٹے نے زمین تنازع کے معاملے میں اپنی ماں کو مبینہ طور پر قتل کرڈالا۔ ملزمین کی شناخت ہریندر کے طور پر ہوئی ہے۔

ملزم ہریندر کو پولیس نے گرفتار کرلیا ہے۔

ہریندر نے اپنی 74 سالہ والدہ ساویتری دیوی کو گولی مار دیا۔

ساویتری دیوی اپنی بیٹی کو بھی جائیداد میں مساوی حقوق دینا چاہتی تھیں۔ کچھ دن ساویتری کے شوہر کی موت ہوئی تھی۔

شوہر کی وفات کے بعد ساوتری دیوی کا اپنے بیٹے کے ساتھ تنازعہ چل رہا تھا بالآخر یہ تنازعہ قتل پر ختم ہوا۔

ذرائع کے مطابق ہریندر نے اپنی ماں کے سر میں گولی رکھ کر اسے ہلاک کر دیا۔گولی کی آواز سن کر علاقہ میں افرا تفری پیدا ہوگئی۔

اطلاع ملنے پر پولیس وہاں پہنچی، پولیس کے سامنے ملزم نے اپنا جرم قبول کرلیا۔

پولیس نے ملزم کو گرفتار کر لیا ہے اور مزید کارروائی کے لے پوچھ گچھ کی جا رہی ہے۔