اطلاع کے مطابق گرفتار مجرم اکادشی رام روہتاس ضلع کے کرگہر تھانے کے گاؤں سموہتہ کا رہائشی ہے۔لیکن کیمور کے کدرا کے پورینی گاؤں میں بھی وہ رہائش پذیر تھا ۔
جراٸم پیشہ کی گرفتاری کدرا تھانہ کے گجراڑھی معاملہ میں ہوئی۔گجراڑھی میں دو دن قبل ایک لڑکی کو گولی مار کر زخمی کر دیا گیا تھا۔ اس واقعے کے بعد لڑکی کی والدہ نے اپنے ہی شوہر جۓ پرکاش رام پر الزام عاٸد کر ایف آٸ آر درج کرائی تھی۔ اس کیس کے سلسلے میں جئے پرکاش رام کو بھی گرفتار کیا گیا ہے۔
پولیس سپرنٹنڈنٹ دلنواز احمد نے بتایا کہ اکادشی رام اس وقت زخمی بچی کی والدہ کے ساتھ رہتا تھا۔ بچی کو گولی مارنے کے سلسلے میں پولیس کی چھاپے ماری میں اسے اس خاتون کے گھر سے گرفتار کیا گیا۔
روہتاس اور کیمور اضلاع کے مختلف تھانوں میں ڈکیتی ، اغوا کے بہت سے واقعات میں اس کے خلاف مقدمہ درج ہے ۔
