اطلاعات کے مطابق اے ٹی ایم مشین میں قریب 14 لاکھ روپے تھے۔
جنوبی دہلی کے اسولا فتح پور بیری میں بدمعاشوں نے ایک اے ٹی ایم مشین کو گیس کٹر سے کاٹ ڈالا اور پھر مشین کو لے کر رفو چکر ہوگئے۔
اطلاعات کے مطابق اس واردات کو انجام دینے سے قبل شام قریب 6 بجے ایک کیش وین اے ٹی ایم مشین میں 14 لاکھ روپے جمع کرنے آئی تھی۔
ایس پی اتل ٹھاکر نے معاملے کی تصدیق کی اور کہا کہ اس واقع کوجب انجام دیا جارہا تھا اس وقت اے ٹی ایم مشین پر کوئی گارڈ موجود نہیں تھا۔
مقامی لوگوں کے مطابق اے ٹی ایم مشین کے پاس نہ تو کوئی گارڈ رہتا ہے اور نہ ہی کوئی دیکھ بھال کرنے کے لیے ہے۔
اس کے ساتھ عام لوگوں کا یہ بھی کہنا ہےکہ صبح میں ایک لڑکا صفائی کرنے آتا ہے اور صفائی کرکے چلے جاتا ہے اس کے بعد اے ٹی ایم ایسے ہی کھلا رہتا ہے۔۔
پولیس افسران کا اس معاملے کے بارے میں کہنا ہے کہ سنیچر کے دیر رات قریب دو بدمعاش آئے۔انہوں نے اے ٹی ایم مشین کو پہلے کاٹا، اس کے بعد مشین کو لے کر فرار ہوگئے۔
فی الحال پولیس معاملے کی جانچ سی سی ٹی وی کی بنیاد پر کررہی ہے۔
لیکن بتایا یہ بھی جارہا ہے کہ بدمعاشوں نے حادثے کو انجام دینے سے پہلے اے ٹی ایم کے باہر لگے سی سی ڈی وی کیمرے کو کالے رنگ سے رنگ دیا۔
جس سے ان کی تصویریں سی سی ٹی وی میں قید نہیں ہوسکی ہیں، لیکن ابھی تک پولیس افسران نے اس بات کی تصدیق نہیں کی ہے۔
پولیس ابھی اس بات کی تحیق میں لگی ہوئی ہے کہ اس واقعہ کو کتنے بجے انجام دیا گیا ہے اور کتنے بدمعاشوں نے اس واقعہ کو انجام دینے میں شامل تھے
