ریاست اترپردیش کے ضلع گوتم بدھ نگر کے دادری قصبہ کے ریلوے روڈ پر واقع اگریسن انٹر کالج کے قریب دیر رات پولیس تصادم میں ایک ہسٹری شیٹر زخمی ہوگیا، جبکہ دوسرا بدمعاش فرار ہوگیا۔
پولیس کے مطابق تصادم میں سومین ولد دین محمد کو گولی لگنی کے بعد اسے زخمی حالت میں گرفتار کیا گیا، جبکہ دوسرا بدمعاش فرار ہونے میں کامیاب رہا۔پولیس نے بتایا کہ سومین کا پتہ قدوائی نگر ،نئی آبادی ،قصبہ و تھانہ دادری بتایا گیا ہے۔
پولیس کے مطابق ایک ٹیم کٹھھیڑا موڑ کے سامنے گاڑیوں کی چیکنگ کر رہی تھی، اسی وقت قدوائی نگر کے سومین موٹر سائیکل پر اپنے ساتھی کے ساتھ بازار کی طرف جارہا تھا۔اس کے قریب آنے پر پولیس نے چیکنگ کے لئے رکنے کا اشارہ کیا، لیکن سومین نے موٹرسائیکل کی رفتار تیز کر بھاگنے کی کوشش کی۔ جب پولیس نے تعاقب کیا تو اس نے موٹر سائیکل اگرسین انٹر کالج کیمپس میں موڑ دی۔جب پولیس نے محاصرہ کر کے جوابی کارروائی کی تب سومن کی ٹانگ میں گولی لگنے سے وہ زخمی ہوگیا اور موٹر سائیکل سے گرگیا۔
پولیس نے زخمی بدمعاش کو گرفتار کرکے اسپتال بھیج دیا ہے۔ اس کے پاس سے ایک موٹرسائیکل ، پستول اور کارتوس برآمد ہوئی ہے۔
اے ڈی سی پی وشال پانڈے کا کہنا ہے کہ زخمی بدمعاش دادری کوتوالی کا ہسٹری شیٹر ہے۔ اس کے خلاف چوری ، ڈکیتی ، لوٹ وغیرہ کے متعدد مقدمات درج ہیں۔مفرور بدمعاش کی تلاش کی جارہی ہے
