اتر پردیش میں پرتاپ گڑھ ضلع کے تھانہ کنڈہ کوتوالی پولیس نے بدھ کی تاخیر شام بھدری گاوں میں دو فریقین کے مابین مار پیٹ کی اطلاع پر پہونچی پولیس پر حملہ کرنے کے الزام میں بیس نامزد و چالیس پچاس نامعلوم کے خلاف کیس درج کیا۔
ایس ایچ او دیویندر پرتاپ سنگھ نے بتایا کہ پردھان رام ملن پٹیل کے بھتیجے و پڑوسی وملیسش کے مابین جھگڑے کے دوران پردھان کے لوگوں نے وملیش کے کنبہ کے کرن و راکھی کو لاٹھی ڈنڈے سے مار پیٹ کر زخمی کر دیا ۔
اطلاع ملنے پر تھانہ سے کانسٹبل راجیش ۔سنتوش و یوگیندر پہونچے و مصالحت کی کوشش کی تو پردھان کے لوگوں نے تینوں کانسٹبلوں کو مارپیٹ کر شدید زخمی کر دیا جنہیں مقامی اسپتال میں طبی معائنہ کے بعد علاج کیلیئے داخل کرادیا گیا ہے ۔ہیڈ کانسٹبل یوگیندر یادو کی شکایت پر بیس نامزد و چالیس پچاس نامعلوم کے خلاف کیس درج کرکے وقوعہ کی تحقیقات کی جارہی ہے ۔
