دہلی میں ایک 23 سالہ شخص کو گاڑی چوری کرنے کے الزام میں گرفتار کیا گیا۔یہ شخص دو پہیہ گاڑیوں کی چوری کرکے اسے بہار بھیجتا تھا۔
ملزم کی شناخت سنجیو کمار یادو کے طور پر ہوئی ہے ، جو امر کالونی کے گڑھی گاؤں کا رہائشی ہے۔
ڈپٹی کمیشنر آر پی مینا نے بتایا کہ پیر کے روز پولیس نے اسے پکڑنے کے لیے اوکھلا منڈی کے قریب اس کا انتظار کر رہی تھی اور شام سات بجے کے قریب موٹر سائیکل پر سوار ملزم کو گرفتار کیا گیا۔
ڈی سی پی نے بتایا کہ ملزم نے تفتیش کے دوران بتایا کہ وہ 2016 میں دہلی آیا تھا اور کام نہ ملنے کے بعد اس نے یہاں دو پہیئوں کی چوری کا کام شروع کر دیا تھا۔" انہوں نے مزید کہا کہ ملزم ممبئی میں چوری سے پہلے ڈرائیور تھا۔
پولیس نے بتایا کہ ملزم نے انکشاف کیا کہ وہ اپنے ایک ساتھی کے ساتھ ، چوری کی ہوئی گاڑیوں کو ٹرین اور بسوں کے ذریعہ بہار کے مدھوبانی پہنچایا کرتا تھا۔
انہوں نے بتایا کہ اس کے قبضے سے 9 دو پہیوں والی گاڑیاں برآمد کی گئی ہیں ، انہوں نے مزید بتایا کہ دیگر ملزمان کی گرفتاری کے لئے کوششیں جاری ہیں۔
