اندور میں پولیس نے انسداد منشیات مہم کے تحت کارروائی کرتے ہوئے ایسے گروہ کو گرفتار کیا ہے جس کے پاس سے 70 کلوغیر قانونی ایم ڈی ایم اے کی ڈرگس برآمد ہوئی ہے۔
اس کی بین الاقوامی بازار میں قیمت 70 کروڑ روپے بتائی جارہی ہے۔
پولیس کو اطلاع ملی تھی کہ منشیات کے کاروباری کوئی بڑا سودا کرنے والے ہیں۔
اس پر پولیس نے کارروائی کرتے ہوئے پانچ لوگوں کو گرفتار کیا جن کے پاس سے 70 کلو ایم ڈی ایم اے ڈر گس اور 13 لاکھ روپے نقد برآمد ہوئے۔
گرفتار ہوئے لوگوں میں دو کا تعلق ریاست تلنگانہ سے ہے،جب کہ تین افراد مقامی ہیں۔
مزید پڑھیں:ڈاکٹر بشیر بدر کی اہلیہ نے پی ایچ ڈی کی ڈگری دلائی
پولیس افسر اے ڈی جی یو گیش دیشمکھ نے بتایا کی اندور پولیس نے غیر قانونی منشیات کے خلاف مہم شروع کر رکھی ہے، جس کے چلتے اندور کرائم برانچ نے ایسے گروہ کو گرفتار کیا ہے جس کے پاس 70 کلو غیر قانونی ایم ڈی اے ڈرگس برآمد ہوئی ہے ۔
انھوں نے کہا کہ ملزمین اس ڈرگس کو ساؤتھ افریقہ بھیجنے کا منصوبہ بندی کر رہے تھے۔
دیشمکھ نے بتایا کہ ملک میں اب تک کسی بھی علاقے میں اتنی بڑی مقدار میں ڈرگس نہیں ضبط کی گئی تھی۔
