جاں بحق شخص کی شناخت 25 سالہ امبیکا پٹیل کے نام سے ہوئی ہے جو تھانہ فتن پور کے تحت واقع گاؤں بھجونی کا رہائشی تھا۔
ذرائع کے مطابق ، واقعے پر مشتعل، اس کے کنبہ کے لوگ اور مقامی افراد پرتشدد ہوگئے اور پولیس کی دو گاڑیوں کو نذر آتش کردیا۔ اس صورتحال کو قابو کرنے کے لئے اضافی دستوں کو بھیج دیا گیا جہاں تناؤ کی صورتحال ہے۔ نعش پوسٹ مارٹم کے لئے بھیج دی گئی ہے۔
پولیس سپرنٹنڈنٹ، پرتاپ گڑھ، ابھیشیک سنگھ کے مطابق ، "کچھ لوگ امبیکا پٹیل کے گھر میں گھس کر اسے گھسیٹتے ہوئے لے گئے، پھر انہوں نے پٹیل کو کچھ فاصلے پر ایک درخت سے باندھ دیا اور اس پر پٹرول چھڑکنے کے بعد اسے آگ لگا دی۔ اور وہ فورا بعد میں فرار ہوگئے۔ "
سپرنٹنڈنٹ (انڈین پینل کوڈ) (آئی پی سی) کی دفعہ 302 (قتل) اور 201 کے تحت ایف آئی آر درج کی گئی ہے اور اس معاملے میں دو افراد کو گرفتار کیا گیا ہے۔
گرفتار افراد کی شناخت ہری شنکر اور شبھم پٹیل کے نام سے ہوئی ہے۔ اس جرم میں ملوث دیگر ملزموں کی گرفتاری کے لئے کوششیں جاری ہیں۔
پولیس نے بتایا کہ انہیں پیر کی شام 8 بجے واقعے کی اطلاع ملی. جس کے بعد وہ موقع پر پہنچے ، جہاں متاثر کے اہل خانہ نے پولیس اہلکاروں پر حملہ کیا اور دو گاڑیوں کو نذر آتش کردیا۔
