ایڈیشنل پولیس کپتان رویندر سنگھ نے کہا کہ تھانہ سجولی کے تحت ساکن بھرتا پور کے ایک 63 سالہ بزرگ جگن ناتھ جو کہ 20 نومبر 2019 کو جنگل سے جلانے والی لکڑی لینے گئے تھے۔ وہ اس کے بعد سے واپس نہیں آئے۔
انہوں نے مزید کہ کہا کہ چار ماہ بیت جانے کے بعد گاؤں کے کچھ لوگ جنگل سے گزر رہے تھے کہ انہیں کافی بدبو محسوس ہوئی۔ لوگ قریب پہنچے تو دیکھا کہ ایک لاش زمین میں آدھی دفن کی گئی ہے۔ لوگوں نے مٹی ہٹا کر دیکھا تو کپڑوں میں لپٹی ہوئی لاش تھی۔ لاش کی شناخت جگن ناتھ کے طور پر ہوئی ہے۔
مقامی لوگوں نے فوراً پولیس کو اطلاع دی، پولیس اور محکمہ جنگلات کی ٹیم موقع پر پہنچ لاش کو اپنی تحویل میں لیا، اس کے بعد قانونی کارروائی کرتے ہوئے لاش کا پوسٹ مارٹم کیا گیا۔
ہلاک شدہ بزرگ کے اہلِ خانہ نے یہ الزام لگایا ہے کہ پولیس اس معاملے میں جانچ نہیں کر رہی ہے۔
اس کے علاوہ انہوں نے کہا ہے کہ جگن ناتھ کا قتل کیا گیا ہے۔
اہل خانہ نے اس پر ضرورری کارروائی کرنے کا مطالبہ کیا ہے۔
