بھاگلپور کے سنیئر پولیس سپرنٹنڈنٹ آشیش بھارتی نے بدھ کو یہاں بتایاکہ بھاگلپور شہر کے مشہور سونا تاجر ہری اوم ورما کے موبائل فون پر منگل کی رات کو بدمعاشوں نے میسیج بھیج کر پچاس لاکھ روپے رنگداری کا مطالبہ کیا ہے۔
رنگداری نہیں دینے پر بدمعاشوں نے تاجر کے کنبہ کے اراکین کو جان سے مانے کی بھی دھمکی دی ہے۔
مسٹر بھارتی نے بتایاکہ اس سلسلے میں تاجر مسٹر ورما نے جوگسر تھانے میں ایک ایف آئی آر درج کرائی ہے۔
اس سلسلے میں ڈپٹی پولیس سپرنٹنڈنٹ ( نگر ) راج ونش سنگھ کی قیادت میں ایک خصوصی ٹیم کی تشکیل کر کے معاملے کی جانچ شروع کر دی گئی ہے۔
یہ بھی پڑھیں:گوپال گنج کے متعدد گاؤں سیلاب سے متأثر
بہت جلد ہی دھمکی دینے والے بدمعاشوں کی شناخت کرلی جائے گی ۔
سنیئر پولیس سپرنٹنڈنٹ نے بتایاکہ بدمعاشوں کی دھمکی کو دیکھتے ہوئے تاجر اور ڈپٹی میئر کی سیکوریٹی بڑھا دی گئی ہے اور ان کے دکان اور گھر پر پولیس فورس کو تعینات کر دیا گیا ہے ۔
