مغربی بنگال کے ضلع کوچ بہار کے طوفان گنج میں دو گروہوں کے درمیان تصادم کے دوران بی جے پی کے بوتھ صدر کا قتل کردیا گیا ہے۔
اس واردات کے بعد علاقے میں کشیدگی پیدا گئی۔
بی جے پی کے حامیوں نے احتجاج کرتے ہوئے ناکہ بندی کردی جس سے آمدرفت متاثر رہی۔
ذرائع کے مطابق طوفان گنج میں دو گروہوں کے درمیان اچانک جھڑپ شروع ہو گئی۔
دونوں جانب سے پتھراؤ کے بم اور گولیاں چلیں۔
گولی لگنے سے بی جے پی کے یوتھ صدر کالی چند شدید طور پر زخمی ہوگئے۔
انہیں زخمی حالت میں محکمہ ہسپتال میں داخل کرایا گیا جہاں اس کی موت ہو گئی۔
مزید پڑھیں:متاثرہ کنبوں کو وزیراعظم رہائش گاہ منصوبہ کے تحت گھر دینے کا مطالبہ
پولیس نے جائے وقوع پر پہنچ کر تفتیش شروع کردی ہے لیکن اس معاملے میں اب تک کسی کی گرفتاری عمل میں نہیں آئی ہے۔
پولیس کا کہنا ہے کہ تفتیش جاری ہے۔
جب کہ ترنمول کانگریس کے حامی کمل ، سنجے برمن اور دلیپ برمن پر قتل کا الزام لگایا گیا ہے۔
ضلع ترنمول کانگریس کے صدر کا کہنا ہے کہ ترنمول کے حامیوں کو جھوٹے الزام میں پھنسانے کی کوشش کی جا رہی ہے۔
