ریاست اترپردیش کے ضلع بجنور میں تھانہ دھامپور کے کالا گڑھ روڈ پر چار دن پہلے بدمعاشوں نے یوکو بینک کے اے ٹی ایم کو توڑ کر چوری کرنے کی کوشش کی تھی لیکن بدمعاش چوری کرنے میں کامیاب نہیں ہوئے تھے۔ پولیس کی تفتیش اور اے ٹی یم کے باہر لگے سی سی ٹی وی کیمرے کی مدد سے بدمعاشوں کی شناخت کرنے کے بعد گرفتار کر لیا گیا ہے، ان کے پاس سے دو چاکو اور ایک اسلحہ بھی برآمد ہوا ہے۔
ایس پی بجنورسنجیو تیاگی
ایس پی بجنور کے مطابق پولیس نے تینوں بدمعاشوں کو گرفتار کرلیا ہے جن میں سے دو بدمعاش ادھم سنگ نگر اور تیسرا ساتھی بجنور کا ہی رہنے والا ہے۔
ایس پی نے مزید کہا کہ یہ کل چھہ بدمعاش ایک کمپنی میں نوکری کرتے تھے اور وہیں پر رہ کر انہوں نے یوٹیوب کے ذریعہ اے ٹی ایم چوری کرنے کا پلان بنایا تھا۔
