یہ ملازمین پولیس تلنگانہ کے حسن آباد پولیس اسٹیشن میں خدمات انجام دے رہے تھے جب دو بندوقوں بشمول اے کے 47کی چوری کی واردات پیش آئی۔
یہ چوری 38سالہ چرواہے نے پولیس اسٹیشن سے مارچ2017میں کی تھی۔
اس واردات کے بعد اس کی جانچ کے احکام جاری کئے گئے تھے اور سال 2018میں ایک معاملہ درج کیاگیا تھاتاہم اس معاملہ کا علم اُس وقت ہوا جب اس چرواہے نے معمولی مسئلہ پر اپنے پڑوسی پر جاریہ سال17فروری کو اے کے 47 سے گولی چلادی۔
اس معاملہ کا علم ہوتے ہی اے سی پی سدی پیٹ سی ایچ رامیشور نے سدانند نامی اس چرواہے کو گرفتار کرلیا اور اس معاملہ کی جانچ کے احکام دیئے۔
انہوں نے اعلی عہدیداروں کو اس معاملہ کے سلسلہ میں تفصیلی رپورٹ پیش کی جس کے بعد پانچ ملازمین پولیس بشمول حسن آباد کے سب انسپکٹر ایم سنجے کو معطل کردیاگیا۔
