عام آدمی پارٹی کے ترجمان سوربھ بھاردواج اور سینیئر رہنما راجندر پال گوتم نے آج عام آدمی پارٹی کے صدر دفتر میں پریس کانفرنس کا اہتمام کیا۔
گذشتہ ہفتہ 15 ستمبر 2020 کو اترپردیش کے ہاتھرس میں ایک 19 سالہ لڑکی کے ساتھ اجتماعی جنسی زیادتی کا دردناک واقعہ پیش آیا ۔
جب کہ متاثرہ کی زبان کاٹ دی گئی، اس وجہ سے بچی کے ہاتھ اور پیر مفلوج ہوگئے اور اس کا صفدر جنگ میں علاج چل رہا تھا، مگر وہ علاج کے دوران موت ہوگئی۔
اس دردناک واقعہ کی بنیاد پر عام آدمی پارٹی نے اتر پردیش حکومت پر سخت نکتہ چینی کی ہے۔
عام آدمی پارٹی کے ہیڈکوارٹر میں پریس کانفرنس کے دوران سوربھ بھاردواج نے یوگی حکومت کے انتظامی کاموں پر براہ راست سوال اٹھایا۔
انہوں نے یہ بھی کہا کہ اتر پردیش میں برہمنوں اور دلت معاشرے کے لوگوں پر مسلسل مظالم ڈھائے جارہے ہیں۔
مزید پڑھیں:بھارت میں کورونامتاثرین کی تعداد61 لاکھ سے تجاوز
وہیں دہلی حکومت کے وزیر راجندر پال گوتم نے مطالبہ کیا ہے کہ متاثرہ لڑکی کے اہل خانہ کو ایک کروڑ معاوضہ ملنا چاہئے اور اس معاملے کی سماعت فاسٹ ٹریک عدالت میں کی جانی چاہئے۔
راجندر پال گوتم نے اس معاملے میں پولیس کی کارگردگی پر بھی سوال اٹھایا۔
