جالور: کرنٹ لگنے سے تین کسان ہلاک

مقامی افراد نے ان سب کو کھمبے سے ہٹایا اور قریبی ہسپتال میں علاج کے لیے لے گئے، تاہم ان میں تین افراد کی موت ہوگئی۔ بقیہ زخمیوں کا علاج جاری ہے۔

ریاست راجستھان کے ضلع جالور کے چیتل وانا سب ڈویژن کے گاؤں سوراچند میں کھیت میں کام کرتے ہوئے تین کسانوں کی کرنٹ لگنے سے موت ہوگئی۔ اس کے علاوہ دو کسان شدید طور پر زخمی ہوگئے ہیں۔

اطلاع ملنے کے فوراً بعد پولیس اہلکار موقع پر پہنچ گئے اور حالات کا جائزہ لیا۔

پولیس کے مطابق 5 کسان نارائن سوراچند سرحد پر چیما رام ولد کھیا رام میگھوال کے کھیت میں کام کر رہے تھے۔

کام کے دوران وہ کھیت سے گزرنے والی ایل ٹی لائن کی تار کو اوپر کرنے کے لیے کھمبے کو اوپر کر رہے تھے۔

اچانک تار میں الکٹرک آگئی ، جس کی وجہ سے ان کسانوں کو الٹرک شاک لگ گیا۔

مقامی افراد نے ان سب کو کھمبے سے ہٹایا اور قریبی ہسپتال میں علاج کے لیے لے گئے، تاہم ان میں تین افراد کی موت ہوگئی۔ بقیہ زخمیوں کا علاج جاری ہے۔

اس بات کی تصدیق ڈی وائی ایس پی وریندر سنگھ نے کی ہے۔

ڈی وائی ایس پی وریندر سنگھ نے مزید کہا کہ کسانوں نے اپنی مرضی سے گرے ہوئے بجلی کے کھمبے کو اوپر کرنے کی کوشش کی، انہیں اس میں الٹرک کا پتہ نہیں تھا، اس وجہ سے بجلی سے وہ جھلس گئے ، جس میں تین کی موت ہوچکی ہے اور بقیہ کا علاج جاری ہے۔

اس کی اطلاع ملنے کے بعد وزیرجنگلات و ماحولیات سوکھا رام بشنوئی جائے واردات پر پہنچنے کے لیے جئے پور سے نکل پڑے ہیں، جہاں وہ جاں بحق ہونے افراد کے اہل خانہ سے ملاقات کریں گے اور انہیں تسلی دیں گے۔