ماسکو: روسی سلامتی کونسل کے نائب چیئرمین دمتری میدویدیف نے کہا کہ یوکرین میں مغربی ملکوں کی شکست "ناگزیر" ہے۔ وہ مذاکرات کی بھیک مانگیں گے۔ روسی ایجنسی ’’اسپوتنک‘‘ نے میدویدیف کے حوالے سے کہا کہ مغرب کیف کی حمایت اس حد جاری نہیں رکھے گا کہ اس کے مفادات کو نقصان پہنچے
میدویدیف نے مزید کہا کہ اس میں کچھ وقت لگے گا اور مغربی حکام بدل جائیں گے۔ ان کے اشرافیہ تھک جائیں گے اور یوکرین پر مذاکرات اور تنازع کو روک دینے کی بھیک مانگیں گے۔ سابق روسی صدر جو پوتین کے بہت قریب جانے جاتے ہیں، نے روسی حملے کے ذریعے کیف میں حکومت کے مکمل خاتمے کی ضرورت کا اشارہ دیا تھا۔ العربیہ کے مطابق یوکرین کے جوابی حملے کے بارے میں موجودہ صورتحال پر تبصرہ کرتے ہوئےمیدویدیف نے کہا کہ ہمیں دشمن کو روکنا چاہیے اور پھر جارحانہ کارروائی شروع کرنی چاہیے۔ آج روسی حملے کا مقصد صرف ہماری زمینوں کی آزادی اور اپنے لوگوں کا تحفظ نہیں ہونا چاہیے۔ ہمارا مقصد کیف میں نازی حکومت کا مکمل خاتمہ ہونا چاہیے۔
Ukraine War 500 days روس یوکرین جنگ کے پانچ سو دن مکمل، نو ہزار سے زائد شہری ہلاک، اقوام متحدہ
Drone Attack on Russia روسی وزارتوں کی عمارت پر ڈرون حملہ
انہوں نے مزید کہا کہ روسی فوج کو ہوا بازی میں، بکتر بند افواج میں، اعلیٰ درستی کے ہتھیاروں میں اور حوصلے کے اعتبار سے بھی برتری حاصل ہے۔ واضح رہے کہ روس کی قومی سلامتی کونسل کے نائب سربراہ فروری 2022 سے روس اور یوکرین کے درمیان جاری جنگ کے پس منظر میں جوہری ہتھیاروں کے استعمال کی دھمکیاں دے رہے ہیں۔
یو این آئی
