اقوام متحدہ کی سیاسی اور امن سازی کے لیے انڈر سیکریٹری جنرل روزمیری ڈی کارلو نے کہا ہے کہ اناج کی برآمدات کے لیے حوصلہ افزا معاہدے Grain Exports Deal کے باوجود روس اور یوکرین تنازعہ Russia Ukraine Conflict ختم ہونے کے کوئی آثار نہیں دکھ رہا ہے۔ اقوام متحدہ کے سیاسی امور کے سربراہ نے سفیروں کو بریفنگ دی اور تنازعات میں بحیرہ اسود کے ذریعے اناج کی برآمدات کو محفوظ طریقے سے دوبارہ شروع کرنے کے ایک حالیہ معاہدے کی طرف اشارہ بھی کیا، حالانکہ انھوں نے یہ بات بھی تسلیم کیا کہ امن کا امکان نہیں ہے۔
ڈی کارلو نے کہا، "اناج کا معاہدہ اس بات کی علامت ہے کہ فریقین کے درمیان انسانی مصائب کو کم کرنے کے لیے مذاکرات ممکن ہیں۔ انہوں نے کہا کہ اقوام متحدہ اس معاہدے کے نفاذ کے لیے ہر ممکن تعاون کر رہا ہے، جس پر گزشتہ ہفتے ترکی میں دستخط کیے گئے تھے۔ تصادم کے اثرات عالمی سطح پر واضح طور پر نظر آ رہے ہیں لیکن لڑائی طویل عرصے تک جاری رہے گی۔"
یہ بھی پڑھیں:
Russia Ukraine Grain Deal: روس یوکرین کے مابین اناج معاہدے کے بعد یوکرین کے مرکزی بندرگاہ پر حملہ
انہوں نے اقوام متحدہ کی سلامتی کونسل کو بتایا کہ "ہمیں جنگ کے خاتمے کے لیے سفارتی کوششوں کی بحالی کی طرف تبدیلی کے امکانات کی کمی پر گہری تشویش ہے۔ انہوں نے کہا کہ دونوں طرف سے اشتعال انگیز بیان بازیاں، بشمول تنازعہ کو جغرافیائی طور پر بڑھانا یا یوکرین کی ریاستی حیثیت سے انکار، استنبول میں دکھائے جانے والے تعمیری جذبے اور معاہدے کے مطابق نہیں ہے۔
