واشنگٹن: امریکی ایوان نے جمعرات کو ایک دو طرفہ اقدام منظور کیا ہے۔ اس قرارداد کے تحت ایران کو قیدیوں کے تبادلے میں امریکہ کی طرف سے حال ہی میں منتقل کیے گئے 6 بلین ڈالر تک رسائی حاصل کرنے سے روک دے گا۔ ریپبلکنز نے یہ قدم اسرائیل پر حماس کے مہلک حملوں میں ایران کے مبینہ کردار کے جواب میں اٹھایا ہے۔ قرارداد کا ٹائٹل نو فنڈس پار ایرانین ٹیرزم ایکٹ یعنی ایرانی دہشت گردی کے لیے کوئی فنڈ نہیں رکھا گیا تھا- اس قرارداد کو 119-307 کی بڑی اکثریت سے منظور کیا گیا۔ بحث کے دوران، ایوان کی خارجہ امور کی کمیٹی کے ریپبلکن چیئر ریپبلکن مائیکل میک کاول نے بائیڈن انتظامیہ پر ایران کو دہشت گردی کے لیے موٹی رقم فراہم کرنے کا الزام لگایا۔ تو وہیں، امریکی حکام نے اس تنقید کو مسترد کرتے ہوئے کہا کہ ایران کو ابھی تک ایک ڈالر بھی دستیاب نہیں کیا گیا ہے۔ امریکی حکام نے مزید کہا کہ ایران سے کہا گیا ہے کہ قیدیوں سے تبادلہ سے حاصل کردہ رقم کو صرف انسانی ضروریات کے لیے استعمال کیا جا سکتا ہے۔
امریکہ نے 6 ارب ڈالر کے منجمد ایرانی فنڈز کی جنوبی کوریا سے قطر منتقلی کی اجازت دینے کیلئے پہلے سے عائد پابندیاں ختم کر دیں ہیں۔ امریکہ اور ایران کے درمیان قیدیوں کے تبادلے کے معاہدے کے سلسلے میں یہ اقدام عمل میں آیا ہے۔ امریکی دستاویز کے مطابق امریکہ نے جنوبی کوریا سے قطر کو 6 ارب ڈالر کے ایرانی فنڈز کی منتقلی کی اجازت دینے کے لیے پابندیاں ختم کر دی ہیں۔ امریکی محکمہ خارجہ کی دستاویز میں سیکرٹری خارجہ انٹونی بلنکن نے اس بات کا عزم کیا ہے کہ پابندیوں کو ختم کرنا امریکہ کی قومی سلامتی کے مفاد میں ہے۔ امریکی کانگریس کی کمیٹیوں کو بھیجی گئی دستاویز میں پہلی بار امریکی حکومت نے باضابطہ طور پر تسلیم کیا ہے کہ وہ 5 امریکی شہریوں کی آزادی کو محفوظ بنانے کے معاہدے کے تحت امریکہ میں زیر حراست 5 ایرانیوں کو رہا کر رہی ہے۔ واضح رہے کہ ایران اور امریکہ کے درمیان قیدیوں کی رہائی کے معاہدے کے تحت ایران نے امریکہ کے 5 شہریوں کو جیل سے رہا کر کے گھر میں نظر بند کر دیا۔ رہائی کے بعد نظر بند کیے گئے 5 میں سے 3 قیدیوں کے نام سیامک نمازی، عماد شرغی اور مراد طہباز بتائے گئے تھے جبکہ باقی 2 کی شناخت ظاہر نہیں کی تھی ۔ لیکن 7 اکتوبر کو حماس کے حملے کے چند دن بعد، امریکہ اور قطر نے اس بات پر اتفاق کیا کہ ایران اس دوران رقم تک رسائی حاصل نہیں کر سکے گا، حالانکہ حکام نے فنڈز کو مکمل طور پر منجمد کرنے سے روک دیا۔ جی او پی کی حمایت یافتہ قرارداد اب سینیٹ میں جائے گی، جہاں اسے اکثریت کی حمایت حاصل ہونے کا امکان نہیں ہے۔
اس اقدام کی مخالفت کرنے والے متعدد ڈیموکریٹس نے بائیڈن انتظامیہ کے امریکی یرغمالیوں کے بدلے رقم کی منتقلی کے فیصلے کا دفاع کیا ہے جس میں خاص طور پر امریکی یرغمالیوں کی روشنی میں جنہیں اب حماس نے غزہ میں رکھا ہوا ہے۔ ایوان کی خارجہ امور کی کمیٹی کے اعلیٰ ترین ڈیموکریٹ ریپبلکن گریگوری میکس نے فلور ڈیبیٹ کے دوران کہا کہ، "ایران، بلاشبہ، حماس کے طور پر، ایک قاتل اور بدعنوان حکومت ہے۔ وہ خوشگوار نہیں ہیں۔ اور یہ آسان نہیں ہے،" انھوں نے مزید کہا کہ، "لیکن اس معاہدے کی بدولت پانچ امریکی خاندان اب دوبارہ گھر پر ہیں۔" انہوں نے مزید کہا، " ایران ان امریکیوں کو یرغمال بنانے کا فائدہ کھو چکا ہے۔"
یہ بھی پڑھیں: امریکہ نے قیدیوں کے تبادلے کے لیے ایران کے منجمد فنڈز میں چھ بلین ڈالر جاری کر دیے
واشنگٹن اور تہران کے درمیان پیچیدہ معاہدہ امریکی اور ایرانی حکام کے درمیان مہینوں کے بالواسطہ مذاکرات کے بعد طئے پایا تھا۔ لیکن اسرائیل اور حماس کے درمیان جنگ کے آغاز نے معاہدے پر تنقید کو ہوا دی ہے کیونکہ ایران نے تاریخی طور پر حماس اور لبنانی عسکریت پسند گروپ حزب اللہ دونوں کے ساتھ مضبوط تعلقات برقرار رکھے ہیں۔
امریکہ اور اس کے اتحادیوں کے خلاف دہشت گردی کی حمایت کے ٹریک ریکارڈ کے باوجود اعلیٰ امریکی حکام نے ایران کے ساتھ مذاکرات کے فیصلے کا دفاع کرنے کی کوشش کی ہے۔ لیکن حکام نے یہ بھی تسلیم کیا ہے کہ مختلف عسکری گروپوں پر ایران کا اثر و رسوخ ناقابل تردید ہے۔
