امریکی صدر جو بائیڈن نے بطور صدر براعظم ایشیا کے اپنے پہلے دورے پر اتوار کو واضح کیا کہ امریکہ شمالی کوریا کی طرف سے کسی بھی ممکنہ میزائل تجربے کا جواب دینے کے لیے پوری طرح تیار ہے۔ بائیڈن نے کہا کہ شمالی کوریا جو بھی کرے ہم اس کے لیے تیار ہیں۔ جیسا وہ کرتا ہے ہم اسی کے مطابق جواب دیں گے۔ میں اس سے زیادہ پریشان نہیں ہوں۔Joe Biden on North Korean Missile Test
وال اسٹریٹ اخبار نے وائٹ ہاؤس کے حوالے سے کہا ہے کہ بائیڈن کے بطور صدر براعظم ایشیا کے پہلے دورے کے دوران شمالی کوریا کی جانب سے میزائل تجربہ یا ساتواں جوہری تجربہ کرنے کا امکان ہے۔ دونوں رہنماؤں نے کہا کہ شمالی کوریا کی جانب سے پے درپے میزائل تجربات کے پیش نظر ہمارے دونوں ممالک مشترکہ فوجی کارروائیوں کو بڑھانے کے لیے بھی بات چیت شروع کریں گے۔ اب تک کی سیٹلائٹ تصاویر کو دیکھ کر لگتا ہے کہ شمالی کوریا ساتویں جوہری تجربے کی تیاری کر رہا ہے۔ شمالی کوریا نے اس سال اب تک ایک درجن سے زیادہ میزائل تجربات کیے ہیں جن میں ایک بین البراعظمی بیلسٹک میزائل اور ایک میری ٹائم بیلسٹک میزائل شامل ہیں۔ (یو این آئی)
