واشنگٹن: امریکی صدر جو بائیڈن کے کتے 'کمانڈر' نے وائٹ ہاؤس میں ایک اور امریکی سیکرٹ سروس ایجنٹ کو کاٹ لیا۔ معلومات کے مطابق بائیڈن کا کتا جرمن شیفرڈ نسل کا ہے اور اس کی عمر دو سال ہے۔ بائیڈن اسے کمانڈر کے نام سے پکارتے ہیں۔ یہ واقعہ پیر کی صبح کا بتایا جا رہا ہے۔ وائٹ ہاؤس کی طرف سے دی گئی معلومات کے مطابق کمانڈر نے پیر کی رات ایک اور امریکی خفیہ سروس ایجنٹ کو کاٹ لیا اور اہلکار کا جائے وقوعہ پر ہی علاج کیا گیا۔ میڈیا رپورٹ کے مطابق یہ 11 ویں بار ہے جب کتے نے وائٹ ہاؤس یا بائیڈن فیملی کے گھر پر کسی گارڈ کو کاٹا ہے۔
سی این این نے امریکی خفیہ سروس (یو ایس ایس ایس) کے کمیونیکیشن چیف انتھونی گگلیلمی کے حوالے سے رپورٹ کیا کہ گزشتہ رات 8 بجے کے قریب ایک سیکرٹ سروس پولیس افسر کو پالتو کتے نے کاٹ لیا، جس کا بعد میں طبی عملے نے علاج کیا۔ گگلیلمی نے کہا کہ زخمی افسر نے اب بہتر حالت میں ہے۔ سی این این کی رپورٹ میں امریکی سیکرٹ سروس کے حوالے سے بتایا گیا ہے کہ بائیڈن کے کتے کمانڈر نے وائٹ ہاؤس اور ڈیلاویئر میں کم از کم 11 افراد کو اپنا شکار بنایا ہے۔ سی این این کی رپورٹ کے مطابق نومبر 2022 میں کتے نے ایک خفیہ ایجنٹ کو بازو اور رانوں میں کاٹ لیا۔ جس کے بعد ایجنٹ کو اسپتال میں داخل کرایا گیا۔
