واشنگٹن: امریکی صدر جو بائیڈن نے کہا ہے کہ وفاقی حکومت اسقاط حمل کے لیے سفر کرنے والی خواتین کی حفاظت کو یقینی بنائے گی۔ بی بی سی نے ہفتہ کو اپنی رپورٹ میں یہ اطلاع دی۔ مسٹر بائیڈن نے یہ اعلان جون میں لاکھوں امریکی خواتین کے اسقاط حمل کے اپنے آئینی حق سے محروم ہونے کے بعد کیا ہے۔ امریکی صدر نے ڈیموکریٹک صوبوں کے گورنرز کے ساتھ ورچوئل میٹنگ سے خطاب کرتے ہوئے خبردار کیا کہ بعض صوبے اسقاط حمل کے لیے دوسری ریاستوں میں جانے والی خواتین کو گرفتار کرنے کی کوشش کریں گے۔ انہوں نے اس بات پر زور دیا کہ وفاقی حکومت ایسی خواتین کے تحفظ کو یقینی بنائے گی۔ US Government will Protect Women Travel for abortion: Biden
اگرچہ امریکہ میں اسقاط حمل کے بارے میں رائے عامہ منقسم ہے، لیکن امریکی تھنک ٹینک پیو کے ایک حالیہ سروے کے مطابق امریکہ میں 61 فیصد لوگوں کا خیال ہے کہ اسقاط حمل ہمیشہ یا زیادہ تر معاملات میں قانونی ہونا چاہیے، جب کہ 37 فیصد افراد نے اسے غیر قانونی قرار دینے کی رائے دی۔ لٹل راک، آرکنساس میں اسقاط حمل کے ایک کلینک نے عدالت کا فیصلہ آن لائن شائع ہوتے ہی مریضوں کے لیے اپنے دروازے بند کر دیے۔ کلینک کے عملے نے خواتین کو بلایا اور بتایا کہ انہیں دیا گیا وقت منسوخ کر دیا گیا ہے۔ آرکنساس ان ریاستوں میں سے ایک ہے جہاں ٹرگر قانون نافذ ہوا اور اسقاط حمل پر فوری پابندی لگا دی گئی۔
واضح رہے کہ امریکی سپریم کورٹ نے گزشتہ جمعہ کے روز ایک تاریخی فیصلہ دیتے ہوئے اسقاط حمل کے لیے آئینی تحفظ کو ختم کردیا تھا۔ جس کے بعد امریکہ میں خواتین نے بڑی تعداد میں احتجاجی مظاہرے کیے۔ امریکی صدر جو بائیڈن Joe Biden نے عدالتی فیصلے پر افسوس کا اظہار کرتے ہوئے کہا کہ عدالت نے وہ کام کیا ہے جو پہلے کبھی نہیں ہوا، ہم ریاستوں میں خواتین کے حقوق کے تحفظ کے لیے ہر ممکن کوشش کریں گے۔ Joe Biden on Abortion Verdict
یو این آئی
یہ بھی پڑھیں:
